БНСУ-д өнөөдөр Зүүн азийн аварга шалгаруулах жүдо бөхийн тэмцээн эхэлж байна. Тус тэмцээнд Монголын жүдо бөхийн холбооны дэд ерөнхийлөгч С.Хүрэлбаатар, Ж.Ганболд, холбооны Гүйцэтгэх захирал М.Бөхбат нараар ахлуулсан эрэгтэй долоо, эмэгтэй долоон тамирчин оролцож байгаа юм.

Сонирхуулахад, тус тэмцээнийг хамгийн анх 2007 онд Улаанбаатар хотноо зохион байгуулж байсан бөгөөд өнгөрсөн хугацаанд Монголын жүдочдоос Дэлхийн аварга Х.Цагаанбаатар ганцаар алтан медаль хүртсэн байдаг аж.