Буурал Европын хамгийн нэр хүндтэй тэмцээний нэг аваргуудын лигийн энэ оны хамгийн шилдэг багаар Английн “Челси” клуб тодорлоо. Аваргын төлөө учраа таарсан “Байерн Мюнхен” “Челси” клубын тоглолт өнгөрөгч шөнө болж, гайхалтай тоглолтын төгсгөлд Дрогбагийн торгуулийн цохилтын ачаар түүхнээ анх удаа “Челси” аваргын цомыг өргөлөө. Тоглолтын нэмэлт цаг 1:1 харьцаатай өндөрлөж 83 дахь минутад Томас Мюллер өрсөлдөгч багийн хаалганд гоолдож багтаа тэргүүлэл авчирсан ч хэдхэн минутын дараа Дрогба мөн л Нойерийн хаалганд мөргөж тоглолтын харьцааг тэнцүүлсэн юм. Ингэснээр  эхний цаг дуусах мөчид анхны булангийн цохилтыг гүйцэтгсэн “Челси”-ийн Хуан Матагийн дамжуулалтыг Дрогба амжилттай болгож түүхэн гоолын эзэн болсон юм. Нэмэлт цаг эхлэхэд тоглолтын бүх үзүүлэлтээр “Байрен Мюнхэн” илүү байсан ч тэд өөрсдийн талд ашигтайгаар эргүүлж чадсангүй. Ингэснээр хоёр баг торгуулийн цохилт гүйцэтгэх болж эзэн багаас торгуулийн цохилтод  Филипп Ламм, Марио, Мануэль Нойер, Гомез нар даалгавараа амжилттай гүйцэтгэсэн бол Ивица Оличийн цохилтыг Петр Чех амжилттай аюулгүй болгож Швайнштайгер шийдвэрлэх цохилтоо алдсан юм. “Челси”-ийн анхны цохилтыг гүйцэтгэсэн Хуан Матагийн бөмбөгийг Нойер амжилттай хамгаалсан бол үлдсэн тоглогч болох Фрэнк Лампард, Эшли Коул, Дрогба нар үүргээ тун сайн гүйцэтгэж, анхны түүхэн ялалтын эзэн боллоо.