Энэ сарын 11-нд  Сүнжин Гранд зочид буудалд эхэлсэн 100 буудалт даамын улсын аварга шалгаруулах тэмцээн шилдгүүдээ тодрууллаа.  Есөн өдөр үргэлжилсэн энэхүү тэмцээнд хагас шигшээ тэмцээнээс шалгарсан манай улсын эрэгтэй, эмэгтэй тус бүр 16 шилдэг даамчин “Монгол улсын аварга” цолны төлөө өрсөлдлөө. Улсын аварга шалгаруулах тэмцээн нь эрэгтэйчүүдийн хувьд 37 дахь, эмэгтэйчүүдийн хувьд 24 дэхь тэмцээн юм. Энэхүү тэмцээнээс шалгарсан тамирчид наймдугаар сард Францад зохиогдох Дэлхийн оюуны спортын хоёрдугаар наадам, есдүгээр  сард Малайзын Куала-Лумпур хотноо зохиогдох Ази тивийн аварга шалгаруулах тэмцээнд оролцох эрхийг хүртлээ.
Тэмцээний ялагч болон оролцсон бүх тамирчныг “Могул” брэндийн бараа бүтээгдэхүүнээр шагнажээ.

Тэмцээний дүн

Эрэгтэй: I байр – О.Түвшинболд 23 оноо
              II байр – Р.Манлай 21 оноо
                        III байр – Д.Баттулга 21 оноо
Эмэгтэй: Iбайр – Б.Нандинцэцэг 21 оноо
              II байр – С.Нямгэрэл 20 оноо
                        IIIбайр – Ц.Энхзаяа 19 оноо