Оросын Эрүүл мэндийн яамнаас олон нийтийн газар тамхи татах болон худалдаалахыг хориглох тухай хууль санаачилж, Төрийн Думд өргөн барьжээ. Тамхичдынхаа тоогоор дэлхийд тэргүүлдэг тус улс уг хорт зуршлын улмаас нас барагсдын тоог бууруулахын тулд ийм арга хэмжээ авч байгаа аж. ОХУ-ын хүн амын 39,1 хувь буюу 43,9 сая хүн тамхи татдаг гэсэн судалгаа байдаг.
Хэрэв энэ хуулийг хэрэгжүүлж чадвал тамхидалтыг 40-50 хувиар багасгаж, үүний улмаас нас барагсдын тоог 150-200 мянгаар бууруулж чадна гэж Эрүүл мэндийн яам найдаж байна.
Хууль батлагдвал галт тэрэг, төмөр замын буудал, зах, зоогийн газар гээд олон нийтийн газарт тамхи татах, гудамжны киоскуудаар худалдаалахыг хориглох аж. Зөвхөн 50 метр квадратаас дээш талбайтай дэлгүүрт л тамхи зарахыг зөвшөөрөх боловч хүний нүдэнд ил задгай байрлуулахыг ч хориглох гэнэ.