АНУ-ын Техас мужид Стефен Эндрю Холл хэмээх нэгэн эр согтуугаар жолоо барьсны төлөө шүүхээс 45 жил хорих ялаар шийтгүүлжээ. Гэхдээ тэрээр ганцхан удаа согтуугаар жолоо бариад ийм хатуу шийтгэл авсан юм биш, тав дахь удаагаа цагдаад баригдсаны дараа шүүх дээр очсон нь энэ аж. Түүнд оноосон ял шийтгэлийн тухай Форт Уорт хотын шүүгч тайлбарлахдаа “Түүний өмнө гаргасан зөрчил дутагдлууд 45 жилийн ял онооход хангалттай үндэслэл болсон. Түүнийг шийтгэснээр манай хотын зам удаан хугацаагаар аюултай жолоочоос чөлөөлөгдөж байгаа юм” гэжээ. Одоо 59 настай С.Эндрю 11 жил ял эдэлсний дараа шүүхэд өргөдөл гаргаж, чөлөөлөгдөх боломжтой юм.