Мэргэжлийн сүмогийн 69 дэх их аварга Хакухо М.Даваажаргал, Харумафүжи Д.Бямбадорж, Кёкүтэнхо Н.Цэвэгням Какурюү М.Ананд, Рюүо Э.Санчирболд, Кёкүшюхо Т.Эрдэнэбаатар, Токитэнкү А.Хүчитбаатар нар 14 цагаас Монгол бөхийн өргөөнд 1000 хүүхдэд бэлэг гардуулна. Дараа нь, Эх нялхасын эрдэм шинжилгээний хүрээлэнгийн Зүрх судасны тасагт иж бүрэн тоноглогдсон эмнэлгийн түргэн тусламжийн машин гардуулан өгөх юм байна. Энэ нь, мэргэжлийн сүмогийнхон болон үндэсний бөхчүүдийн хоорондох “Их Монголын алтат одод-2” нөхөрсөг тэмцээний орлого юм. Бөхчүүд маань энэ тэмцээнээс олсон бүх орлогоо хүүхдүүдийн эрүүл мэндэд зориулж байгаа юм.