УИХ дахь Ардчилсан намын бүлгээс Засгийн газрыг байгуулах асуудлаар УИХ-д суудалтай бусад нам, эвсэлтэй зөвшилцөх үүрэг бүхий ажлын хэсгийг зургаан гишүүний бүрэлдэхүүнтэйгээр байгуулсан. Ажлын хэсгийн ахлагчаар УИХ-ын гишүүн М.Батчимэгийг томилсон байна. Өнөөдрөөс эхэлж ажлын хэсэг нам, эвслүүдтэй зөвшилцөх анхны уулзалтаа хийх юм.
АН-ын ҮЗХ-ноос парламентад суудалтай намуудтай зөвшилцөх үүргийг АН-ын бүлэгт өгсөн. Тэр дагуу нь УИХ-ын гишүүн Д.Эрдэнэбат, Д.Ганхуяг, Л.Болд, Х.Баттулга, Г.Батхүү нар энэ ажлын хэсэгт багтаж байгаа.