Оросын Ерөнхий сайд Д.Медведев төлөвлөсөн ёсоороо “Нэгдмэл Орос” намын дарга боллоо. Өнгөрсөн дөрөвдүгээр сард намын даргын суудлаасаа албан ёсоор татгалзсан В.Путин өөрийнхөө оронд Д.Медведевийг тавих бодолтой байгаагаа мэдэгдсэн. Энэ дагуу өнгөрсөн амралтын өдөр “Нэгдмэл Орос” нам их хурлаа хийж, Д.Медведевийг даргаараа сонгожээ. Тэрээр Ерөнхий сайд болсныхоо дараа буюу энэ сарын 22-нд “Нэгдмэл Орос” намд гишүүнээр элссэн юм. Д.Медведевийн хувийн карьерын хувьд нэр хүнд нь унаж буй “Нэгдмэл Орос” намтай холбогдох нь тийм ч сайн зүйл биш гэж ажиглагчид хэлж байгаа ч В.Путиний хүсэлтээр намын даргын суудал түүнд ядах юмгүй очлоо.