Нийслэлийн боловсролын газраас гаргасан анги дэвших шалгалтын хуваарийн дагуу ерөнхий боловсролын сургуулиуд шалгалтаа авч буй. Энэ сарын 17-ноос эхэлсэн шалгалт шувтрах шатандаа оржээ. Өчигдөр л гэхэд суурь боловсролын долоо, наймдугаар ангийнхан орос хэл, гадаад хэлний шалгалтаа тестээр өгсөн бол бүрэн дунд буюу аравдугаар ангийнхан байгалийн ухааны шалгалтаа мөн л тестээр өгөв. Өнөөдрийн хувьд суурь боловсролынхон монгол хэлний шалгалтаа бичгээр өгөх бол маргааш долоо, наймдугаар ангийнхан биологийн шалгалтаа бичгээр, аравдугаар ангийнхан нийгмийн ухааны шалгалтаа тестээр өгснөөр шалгалтууд нь дуусгавар болж амарцгаах юм.