Монголын жүдочдоос Лондонгийн олимпод есөн жүдоч зодоглохоор болсон. Эрэгтэйчүүдийн 60кг-д гурав, 66кг-д хоёр, -100кг-д хоёр жүдоч Лондонгийн олимпын улаан шугаманд багтсан хэдий ч эдгээр жингийн бөхчүүдээс улсаа төлөөлөн нэг нь явж нөгөө нь гэртээ үлдэх ёстой.
Өмнөх олимп, дэлхийн аварга шалгаруулах тэмцээний 66кг-д С.Мияарагчаа Х.Цагаанбаатартаа амжилт хүсээд үдэж байсан удаатай. Харин Лондонгийн олимп түүний хувьд магадгүй сүүлийн олимп учраас арай өөр бодол тээж яваа сурагтай. Хэрэв тэрээр Лондонгийн олимпын татамид барилдаж чадахгүй юм бол шууд зодог тайлна хэмээн ойр дотныхондоо ам алджээ.