Иран, Израиль, Судан, Сири, Ливан зэрэг Ойрхи дорнод, Африкийн зарим улс кибер халдлагад өртжээ. Оросын “Kaspersky Labs” компанийн мэргэжилтнүүдийн олж тогтоосноор эдгээр улс Flame хэмээх нэгэн төрлийн вирусийн хохирогч болсон байна. Компьютерийн системд хор уршигтай уг софтвейр 2010 оны наймдугаар сараас ажиллаж эхэлсэн бөгөөд ямар нэгэн улс мэдээлэл цуглуулах тагнуулын зорилгоор үүнийг гаргаж, кибер халдлага хийсэн гэж  “Kaspersky Labs” үзэж байна. Учир нь, уг  кибер халдлага ямар нэгэн банк санхүүгийн дансны мэдээлэл хулгайлж, мөнгө олох зорилго агуулаагүй нь илт байгаа бөгөөд үүгээрээ цаанаа улс төрийн зорилготой гэдгээ илтгэж байгаа аж. Уг программын зөвхөн код нь гэхэд 20 мегабайт хэмжээтэй байгаа учир бүрэн судлахад хэдэн жилийн хугацаа шаардлагатай гэнэ. Ийм хэмжээний програмыг хувь хүн юм уу кибер гэмт хэрэгтнүүд дангаараа бүтээх боломжгүй, ямар нэг улс орны санхүүжилтээр л хийгдсэн гэж мэргэжилтнүүд сэжиглэж байна. Одоогоог Flame кьомпьютерийн хамгийн хүчтэй вирус гэгдэж байна.