АНУ-ын тэргүүн хатагтай Мишель Обама хувийн цэцэрлэгээ хэрхэн арчлах, гэр бүлийнхээ хэрэгцээний ногоог яаж өөрсдөө тарьж ургуулах талаар гарын авлага гаргажээ. Эрүүл хооллохыг америкчуудад уриалдаг тэрээр өөрөөрөө үлгэр дуурайл үзүүлэхийн тулд Цагаан ордонд хэрхэн  хүнсний ногоо, жимс жимсгэнэ тарьсан туршлагаасаа хуваалцсан байна. Тэргүүн хатагтайн анхны ном 271 хуудастай бөгөөд түүний аж ахуйн ажилдаа гаргасан алдаа, оноо бүхнийг багтаасан гэнэ.
АНУ-ын тэргүүн хатагтай улс орон даяараа “Хөдөлцгөөе” хэмээх уриатай кампанит ажил өрнүүлж буй. Түүний санаачилсан энэхүү хөдөлгөөн түргэн хоолноос татгалзаж эрүүлээр хооллох, жимс ногоо түлхүү хэрэглэх, хөдөлгөөнтэй амьдарч, таргалалттайгаа тэмцэхийг уриалдаг юм. Тэргүүн хатагтай номноос олсон орлогоо зөв хооллолтын талаар үйл ажиллагаа явуулдаг төрийн бус байгууллагуудад хандивлах юм байна.