Либерийн Ерөнхийлөгч асан Чарльз Тэйлор Олон улсын эрүүгийн шүүхээс ял сонсох нь тодорхой болоод байна. Гаагийн шүүхээс Чарльз Тэйлорыг 1991-2002 онд Сьерра-Леонд үргэлжилсэн иргэний дайнд босогчдыг дэмжин оролцсон хэмээн буруутгаж, дайны хэргээр ял оноохоор төлөвлөөд байгаа юм. Энэ хэргийнх нь төлөө түүнд 80 жилийн хорих ял төлөвлөөд байгаа ч Чарльз Тэйлор өөрийгөө буруугүй хэмээн мэдүүлж, өмгөөлөгчид нь ч дээрх шийтгэлийг хэтэрхий хүндэдсэн гэж эсэргүүцэж байна. Шүүхийн шийдвэр яаж ч гарсан Чарльз Тэйлор давж заалдана хэмээн мэдэгдэж байгаа бөгөөд хэрэв тэгэхээр бол энэ хэрэг дахин зургаан сар сунжрах төлөвтэй байна. Хэрэв шүүхээс Чарльз Тэйлорт ял эдлүүлэх шийдвэртээ баттай зогсвол түүнийг Их Британийн шоронд хорих ажээ.