Монголын үндэсний олимпын хорооноос “Лондон 2012” олимпын наадмыг угтаж спортын анагаах ухааны семинарыг 3- 5- ны өдрүүдийг   дуустал “Олимпик Хаус”-д  зохион байгуулахаар болжээ. Тус семинарын нээлтийн ажиллагаанд МҮОХ-ны Ерөнхийлөгч Д.Загдсүрэн  БТСГ-ын Үндэсний шигшээ багийн албаны дарга Ц.Одонбаяр, БТСГ-ийн Спортын анагаах ухааны албаны дарга Ч.Насанбат, Өвөрмонголын өөртөө засах орны их сургуулийн доктор профессор Б.Хөгжилт нар оролцлоо. Гурван өдөр үргэлжлэх энэхүү семинарыг БНСУ-ын Шинжлэх ухаан, технологийн институтийн Допингийн эсрэг төвийн эрдэм шинжилгээний ахлах судлаач доктор профессор Сон Жүн Хёнь, ӨМӨЗО - ны Их сургуулийн доктор, профессор Б.Хөгжилт нар удирдан явуулах бөгөөд 26 эрдэмтэн судлаач хамрагдаж байна.  Мөн тамирчдын сэтгэл зүй, Лондон хотын цаг агаарын онцлог, спортын анатоми, тамирчдын зүрх судсанд гарах өөрчлөлтүүд зэрэг сэдвээр манай эрдэмтэд бусадтайгаа арга туршлагаасаа суралцах юм.