Олон улсын олимпын эв санааны нэгдэл, Монголын үндэсний олимпын хороо, Монголын талбайн теннисний анхан шатны дасгалжуулагч, багшийн сургалтыг энэ сарын 2-13 нд зохион байгуулахаар боллоо. “Олимпик хаус”-д болж буй энэхүү семинарыг олон улсын теннисний холбооны мэргэжилтэн Фил,  Роланд Краут нар удирдан явуулах юм. Уг семинарын нээлтэд  Монголын үндэсний олимпын хорооны дэд ерөнхийлөгч Ц.Дамдин, Монголын талбайн теннисний холбооны ерөнхий нарийн бичгийн дарга Г.Нямдэлгэр болон ITF-ийн эксперт Фил нар оролцлоо. Уг семинарт Улаанбаатар, Дархан, Эрдэнэт хотын дунд сургуулийн 30 гаруй биеийн тамирын багш нар оролцож байгаа юм.