Олимпын аварга Жон Петерсоны нэрэмжит чөлөөт бөхийн өсвөр үе, залуучуудын олон улсын аварга шалгаруулах тэмцээн маргааш эхэлнэ. 10 дахь жилдээ зохион байгуулагдаж буй уг тэмцээнд энэ жил эрэгтэйчүүдийн 1995 оноос хойш төрөгсөд буюу 42, 46, 50, 54, 58, 63, 69, +76кг, 1992 оноос хойш төрсөн буюу 50, 55, 60, 66, 74, +84 кг, эмэгтэйчүүдийн 1992 оноос хойш төрсөн +38, 42, 46, 49, 52, 56, 60, 65 кг-ын жинд аваргаа тодруулах юм. Тамирчдын тухайд хоёр кг-ын зөрүүтэй байж болох бөгөөд тус  тэмцээний залуучуудын эхний гурван байрт шалгарсан тамирчид Орхон аймгийн “Олимп” баазад болох олон улсын хамтарсан бэлтгэлд гарах юм. Тэмцээний ерөнхий шүүгчээр удахгүй болох Лондонгийн олимпын сонгомол чөлөөт бөхийн шүүгчээр ажиллах  эрхээ хүртээд буй Ц.Сэрээтэр ажиллах юм. 
                                                                                                                  Ж.Цэцэг