Болгарын Софи хотод болсон аэробикийн дэлхийн аварга шалгаруулах тэмцээнд амжилттай оролцсон тамирчид өчигдөр эх орондоо ирлээ.
Уг тэмцээнд манай улсаас Б.Ерөөлбат дасгалжуулагчтай ШУТИС-ийн оюутнууд аэробикийн стэпийн төрөлд өрсөлдөж хүрэл медаль хүртсэн сайхан амжилт үзүүлсэн билээ. Энэ нь манай улсын аэробик гимнастикчдын хувьд ДАШТ-ээс авч буй анхных нь медаль юм. ДАШТ-ээс хүрэл медаль авсан тамирчдыг өнөөдөр Биеийн тамир, спортын газрын удирдлагууд хүлээн авч баяр хүргэх юм байна.