МХБХ-ны цомын тэмцээн  U-13, U-15, U-17, +18 хүртэл насны ангиллаар 2012 оны зургадугаар сарын 02-нд эхэлсэн. Тэмцээнд нийт 25 багийн 250 гаруй охид, эмэгтэйчүүд өрсөлдөж байгаа бөгөөд хэсгийн тоглолт болон хагас шигшээ тоглолтууд өндөрлөж, медалийн төлөө тоглолтууд хөлбөмбөгийн талбай дээр өрнөж байна. U-13 хүртэл насны ангилалд найман багаас хагас шигшээд Титэм Хужирт болон Эрчим багууд өрсөлдөж, Эрчим клуб 1:0 харьцаатайгаар хожсоноор аваргын төлөө өрсөлдөх эрхтэй боллоо. В хэсгээс нэгдүгээр байраар шалгарсан 58 дугаар сургуулийн хоёрдугаар баг, А хэсгийн нэгдүгээр байраар шалгарсан Хаан Хүнс Титэм багтай өрсөлдөн 1:0 харьцаатай хожсоноор мөн аваргын төлөө өрсөлдөх эрхийг авлаа. U-15 насанд зургаан багийн охид өрсөлдсөнөөс А хэсгийн нэгдүгээр байраар шалгарсан “Хаан Хүнс Титэм” баг В хэсгээс хоёрдугаар байраар шалгарсан “UB United” багтай өрсөлдөн 4:2  харьцаатай өндөрлөсөн байна.  А хэсгээс хоёрдугаар байраар шалгарсан “Шинэ яармаг” баг В хэсгээс нэгдүгээр байраар шалгарсан Эрчим баг өрсөлдөж, 3:2 харьцаатайгаар Эрчим клуб хожсоноор аваргын төлөө өрсөлдөх эрхээ авлаа. U-17 насны ангилалд зургаан баг өрсөлдсөнөөс “А” хэсгээс нэгдүгээр байраар “UB United”,  В хэсгээс хоёрдугаар байраар шалгарсан “Хаан Хүнс Титэм” багтай өрсөлдөн 12:0 харьцаатайгаар бут ниргэсэн байна. А хэсгээс хоёрдугаар байраар шалгарсан 58 дугаар сургууль “B” хэсгээс нэгдүгээр байраар шалгаран гарсан “Эрчим” багууд хагас шигшээд өрсөлдөн 2:1 харьцаатайгаар “Эрчим” аваргын төлөө өрсөлдөхөөр боллоо.