Бүх насаараа хорих ял сонссон Египетийн экс Ерөнхийлөгч Хосни Мубарак сэтгэл зүйн хямралд ороод байгаа тухай тус улсын Дотоод хэргийн яамнаас мэдэгдлээ. Түүнийг өнгөрсөн ням гаригт шүүхээс ял сонссоны дараа шорон руу нисдэг тэргээр авч явах гэхэд уйлж, явахгүй гэж эсэргүүцсэн гэнэ. Түүний сэтгэл санаа хүнд байсан учир албадан ачилгүй явах хэрэгтэй гэж ятгаж ухуулж байж, шоронд аваачжээ. Сэтгэл зүйн энэ хямралаас үүдэн одоо 84 настай экс Ерөнхийлөгчийн биеийн байдал муу байгаа тухай шоронгийн эмч нар Дотоод хэргийн яаманд мэдээлжээ. Х.Мубарак одоо хүү Гамалын хамт нэг шоронд хоригдож байгаа юм. Түүнд шүүхээс ял оноох хүртэл Кайр хотын захад орших цэргийн эмнэлэгт хэвтүүлэн сувилж байсан юм.