Дорнод бүсийн цувралын зургаа дахь тоглолт Бостон Сэлтиксийн талбайд явагдлаа. Цувралын 3:2 харьцаатайгаар тэргүүлж байсан Сэлтиксчүүд энэ тоглолтод ялалт байгуулвал НБА-ийн финалд Өрнөд бүсийн аварга Кевин Дурантаар удирдуулсан Оклахома Сити Тандер багтай учраа таарах байсанч тэд чадсангүй. Энэ тоглолтод Майами Хит  багийн улирлын MVP Лэброн Жэймс үнэхээр шилдэг нь байж тоглолтын эхний хагаст 30 оноо авч сүүлийн 15 жилд плей оффын тоглолтын эхний хагаст 30 –аас дээш оноо авсан зургаан тоглогчын нэгээр тодров. Энэ байдлаар тоглолт үргэлжилж багийн нөхөд нь ч түүнд шийдвэрлэх үед тус хүргэснээр довтолгоо болгоноо амжилттай болгож нийт 45 оноо, 15 самбар, таван оновчтой дамжуулалтыг гүйцэтгэсэн юм. Эсрэг багийн тоглогчид хамгаалалтад төдийлөн сайн байгаагүй бөгөөд өмнөх тоглолтод багийн ахлагчийн үүргийн тун сайн гүйцэтгэсэн  Пол Пирс есөн оноог 18 шидэлт гүйцэтгэн байж авсан юм. Ингэснээр үндсэн цагт тоглолтын харьцаа 98:79 харьцаатай өндөрлөлөө.Хоёр багийн тоглолтын  харьцаа 3:3 болон тэнцсэн бөгөөд тэд ээлжит шийдвэрлэх  7 дахь тоглолтоо Майамигийн талбайд ням гаригт хийх юм.