Сар гаруйн дараа Үндэсний их баяр наадам болох гэж байна. Наадамд уралдах улс орны өнцөг булан бүрт шигшмэл хурдан хүлгүүдээ сойж байгаа энэ үед гадаадаас ч хурдан морьд авчирч байгаа гэнэ. Тухайлбал,Өвөрмонголын Эрээн хотын Цэгээн морин тойруулгын 18 хурдан хүлгийг уралдуулахаар манай улсад авчирчээ. Морьдыг Монгол Улсын хилээр нэвтрүүлэхийн өмнө Эрээн хотын мал эмнэлгийн хяналт шалгалтаар оруулан нэг сар сүргээс нь тусгаарлаж цусны дээжийг нь шинжилснээс гадна манай улсын мал эмнэлэг хорио цээрийн шинжилгээнд оруулсан байна.