Перугийн өмнөд хэсэгт нисдэг тэрэг осолдож, түүнд явсан 14 хүн бүгд амь үрэгджээ. Нисдэг тэрэг Перугийн Мамароса хэмээх ууланд далайн төвшнөөс 4900 метрийн өндөрт унаж осолдохдоо дэлбэрсэн учир зорчигчид нь амьд үлдэх аргагүй байжээ. Нисдэг тэргээр зорчиж явсан хүмүүсийн дийлэнх буюу 12 нь Өмнөд Солонгосын иргэн, бусад нь Голланд, Чех, Швед, Перугийн иргэд байжээ. Тэд “Samsung C&T”, “Korea Water Resources” корпорацын шугамаар Перуд усан цахилгаан станц барих төслийг судлахаар явж байсан гэнэ.