Азийн мотоциклийн холбооны аварга шалгаруулах тэмцээний хоёр дахь гараа өнгөрөгч амралтын өдрөөр Монгол Улсын нийслэлд боллоо. 85сс, 125сс болон ахмадын гэсэн гурван ангиллаар зохион байгуулсан тус тэмцээнд Ази тивийн есөн орны 37 тамирчин өрсөлдсөн юм.

85 сс ангилалд найман мотоцикльч өрсөлдсөнөөс Монгол Улсын тамирчин Б.Мөнхболор түрүүлж, Филиппиний М.Полирис, ОХУ-ын М.Шохоров нар удаалжээ.

Харин ахмадын ангилалд ОХУ-ын тамирчин Юрий Поликаров тэргүүлсэн бол 125сс ангилалд Тайландын тамирчин Турбо түрүүлж, удаахь байрт Японы Т.Созокихи, ОХУ-ын Андрей Голушков нар шалгарчээ.