"Монос" дээд сургуулийн үүсгэн байгуулагчдаас БСШУ-ы сайдад уламжлалт анагаах ухааны бүрэлдэхүүн сургуулийг тусгаарлаж өгөхийг хүссэн хүсэлт иржээ. Уг хүсэлтийг нь судалж үзээд комиссынхны дүгнэлтийн дагуу уламжлалт анагаах ухаан мэргэжлээр бакалаврын, эмнэлзүйн шинжлэх ухаан судлал мэргэжлээр магистрын сургалт тус тус эрхлэх "Шинэ анагаах ухаан" дээд сургууль байгуулах тусгай зөвшөөрлийг нь өгсөн байна. Ямартай ч анагаах ухааны чиглэлээр мэргэжилтэн бэлтгэх дээрх шинэ сургууль энэ жилээс элсэлтээ авч эхлэх аж.