Испанийн банкууд Европын холбооноос санхүүгийн тусламж хүсч, зээл авахаар болсон нь хөрөнгө оруулагчдад итгэж төрүүлж, олон улсын хөрөнгийн биржүүдийн үзүүлэлт өчигдөр маш сайн байлаа. Еврогийн ханш ч харьцангуй сэргэж, ам.доллартай харьцах ханш нь нэг хувиар өсчээ. Азийн хөрөнгийн биржүүдийн индекс хоёр хувиар өссөн мэдээ ч байна. Ийнхүү хөрөнгийн зах зээл Испанийн зээлийн хүсэлтийг тун эергээр хүлээн авч байна.
Өнгөрсөн бямба гаригт Евро бүсийн Сангийн сайдууд хуралдаад Испани улсад банкуудаа дэмжихэд нь туслах үүднээс 100 тэрбум ам.долларын зээл олгохоор шийдсэн. Үүгээр Европын холбооны орнуудаас хамгийн хүндээр хямралд нэрвэгдсэн хоёр улсын нэг болох Испанийн нөхцөл байдал нэг хэсэгтээ хөрөнгө оруулагчдыг айлгахааргүй боллоо.