БНСУ-ын үндэсний бөх болох Ширеум бөхийн дэлхийн аварга шалгаруулах тэмцээн энэ сарын 4-11-ний хооронд тус улсын Бусан хотноо зохион байгуулагдлаа. Тус тэмцээнд манай улсын бөхчүүд анх удаагаа оролцож багаараа гурвадугаар байранд шалгарч, хүрэл цомын эзэд болжээ. Эдгээр тамирчдыг өнөөдөр биеийн тамир, спорт газрын дарга Ч.Наранбаатар хүлээн авч хүндэтгэл үзүүлнэ.