Казахстаны бөхийн холбоо олимпод оролцох тамирчиддаа хэрэв Лондонгоос медаль авчирвал өндөр шан харамж өгнө гэдгээ амлалаа. Тус улсын бөхийн холбооны удирдлагууд “Олимпын эрх авсан бөхчүүд олдсон боломжоо дээд зэргээр ашиглаж ямар ч өрсөлдөгчөөс айхгүй барилдаж ялалтын төлөө бүхнээ зориулах хэрэгтэй. Олимпын наадам гэдэг аливаа тамирчны хувьд сансарт нисэхээс ч чухал үйл явдал. Тиймээс холбооны удирдлага олимпын наадамд алтан медаль авсан бөхөд 100 мянган ам.доллар, мөнгөн медаль авсан тамирчинд 50 мянган ам.доллар, хүрэл медаль авсанд нь 30 мянган ам.долларын шагнал олгохоор шийдвэрлэлээ. Энэ шагналыг улсаас олгодог мөнгөн урамшуулал дээр нэмж олгно” хэмээн амласан байна.