Казахстаны агаарын тээврийн компаниуд Зөвлөлийн үед үйлдвэрлэсэн хуучин орос онгоцнуудаа бүгдийг нь актлахаар болжээ. Учир нь, хуучин зөвлөлтийн үеийн онгоцнууд олон улсын стандарт хангахгүй, дээр нь дуу чимээ ихтэйгээс болоод Казахстаны зарим агаарын тээврийн компанийн онгоцыг Европын орнууд хүлээн авахаас татгалзсан юм. Тиймээс энэ оны арваннэгдүгээр сар гэхэд Казахстаны агаарын тээвэрт явж буй бүх онгоц шинэчлэгдсэн байх ажээ. Энэхүү парк шинэчлэлд бэлтгэж орчин үеийн 50 гаруй онгоц худалдан аваад байгаа гэнэ. Харин ойрын найман жилийн хугацаанд 40 шахам онгоц худалдан авах төлөвлөгөөтэй байгаа гэнэ.