Монголын авто машин мотоциклийн холбоо, Өвөр монголын биеийн тамир спортын хороо, Буриадын Улаан-Үд авто спортын холбоо хамтарч ирэх сарын 15-22 нд “Цайны зам-2012” олон улсын  Авторали тэмцээнийг зохион байгуулахаар болжээ. Хоёр төрлөөр зохион байгуулагдах тус тэмцээнд манай улсад гурав, ОХУ-ын Буриад улсад хоёр, БНХАУ-ын Эрээн хотод нэг гараа буюу нийт 2000 км замыг туулах юм. Тэмцээнд одоогийн байдлаар 20 улсын тамирчин оролцохоор албан ёсны мэдүүлгээ ирүүлжээ.