Евро 2012 тэмцээний “Үхлийн” гэж нэрлэгдээд байсан “В” группийн сүүлийн тоглолтууд болж өнгөрлөө. Энэ группийн хамгийн сонирхол татахуйц тоглолт нь Португали, Нидерландын багуудын тоглолт байсан юм. Аль хожсон баг нь хэсгээсээ гарах боломжтой энэ тулаан нилээд ширүүн болж өргөрсөн Испаний Реал Мадрид клубийн супер од Cristiano Ronaldo тэргүүтэй Португалийн шигшээ баг энэ өдөр Нидерландчуудтай үхэх сэхэхийн маш чухал тулааныг хийж 2:1 харьцаагаар ялалт байгуулан 2012 оны Европын аваргын тэмцээний “Үхлийн” зооноос амьд гарлаа.
Тоглолтын 11 дэх минутад Улбар Шаруудын Rafael Van der Vaart гоолын салхийг нээсэн бол, өмнөх тоглолтуудад гоол оруулж чадаагүй байсан Ronaldo гайхалтай байж, 28, 74 дэх минутад тус тус гоолдон багаа хасагдах шат руу чирэн орууллаа.
Европын бразилчууд хасагдах шатанд Чехийн шигшээ багтай ширүүн тулаан хийнэ.