Үзэж, харах зүйл хомстой хөгжлийн бэрхшээлтэй хүүхдүүд нийгмээс гадуурхагдан гэр гэртээ өдөр хоногийг өнгөөрөдөг. Тэдэнд зориулсан үзвэр үйлчилгээний газар битгий хэл сурч боловсрох сургууль, цэцэрлэг хуруу дарам цөөн. 2011-2012 оны хичээлийн жилийн байдлаар нийслэлд сонсголын бэрхшээлтэй хүүхдэд зориулсан "Бамбарууш" цэцэрлэг, тархины саажилттай хүүхдэд зориулсан 10 дугаар цэцэрлэг тус тус үйл ажиллагаагаа явуулжээ. Үүнээс үзэхэд хэдэн мянгаараа тоологдох хөгжлийн бэрхшээлтэй хүүхдүүдийн эрх зөрчигдөж буй юм. Ямартай ч БСШУЯ-ныхан 2012-2013 оны хичээлийн жилд сонсгол, харааны бэрхшээлтэй хүүхдэд зориулсан 100 хүүхдийн тусгай цэцэрлэг шинээр ажиллуулахаар болжээ.