Дэлхийд эдийн засгаар тэргүүлэгч Их- 20 орны ээлжит дээд хэмжээний уулзалт Мексикт болж өнгөрлөө. Чуулга уулзалтын гол сэдэв евро бүсийн өрийн хямрал, түүнээс  гарч болох арга замуудын тухай байв. Чуулганд оролцсон дэлхийн удирдагчид Европын холбоог өрийн хямралаасаа гарахын тулд шаардлагатай бүх арга хэмжээгээ авахыг шаарджээ. Харин Евро Комисын Ерөнхийлөгч Хосе Мануэль Барросо мэдэгдэл хийхдээ асуудал ганцхан Европт байгаа юм биш, энэ хямрал дэлхийн нийтийн хэмжээний асуудал гэж хэлсэн юм. Их 20-ийн чуулганы үеэр улс орны лидерүүд хоёр талын уулзалт цөөнгүй хийлээ. Тухайлбал, АНУ-ын Ерөнхийлөгч Б.Обама, ОХУ-ын төрийн тэргүүн В.Путин нар уулзаж, Сирийн асуудлаар ярилцсан байна.