Барсагийн супер од Лионел Месси аав болох гэж байгаа тухайгаа албан ёсоор зарлажээ. Өнгөрсөн сард Аргентин Эквадортой хийсэн тоглолтын үеэр гоол оруулсныхаа дараа хүүхэд бүүвэйлж буй мэт хөдөлгөөн хийхэд түүнийг аав болох нь гэж хэвлэлүүд шуугисан. Түүнээс хойш чимээгүй явсан хөлбөмбөгчин маань саяхан “Миний найз бүсгүй жирэмсэн. Би хүүтэй болохыг хүсч байна. Үүнээс илүүг хэлж чадахгүй нь” хэмээн ам алджээ. 24 настай Мессигийн найз бүсгүй нь олон жил үерхсэн нутаг нэгт бүсгүй Антонелла Рокуззо билээ.