Хятадын Гуандун мужийн нэгэн иргэн China Welfare Lottery лотерейгоос 3,9 сая доллар хожсон ч энэ азтай хүн өнөө болтол азын мөнгөө ирж аваагүй тухай зөвхөн хятад төдийгүй дэлхий даяараа шуугьж байна.
Орон нутгийн хэвлэлүүдэд бичсэнээс үзвэл хожлын энэ азтай тасалбараа тэр хүн Дунгуань хотоос өнгөрсөн арваннэгдүгээр сард худалдан авсан гэнэ.
Сугалааны дүрмээр бол сугалааны тохирлыг тааруулсны дараа тодорхой хугацааны дараа нэгдүгээр сарын 10 гэхэд ирж шагналаа авах ёстой байж. Гэтэл бараг дөрвөн сяа долларын төлөө хэн ч ирсэнгүй.
Лотерейгоос ийм хэмжээний мөнгө хожиж байсан ийм азтай тохиолдол  Хятадад анх удаа тохиож байгаа юм байна.
Харин азын шагналаа авахгүй өнгөр тохиолдол нэг биш гэнэ. Үүний өмнө 2011 онд хятадын Зянсу мужийн нэг иргэн 16,2 сая юань буюу 2,5 сая  доллар хожсон атлаа аваагүй бол хоёр жилийн өмнө Өвөр Монголд бас 12,6 сая юань / хоёр сая доллар/ хожсон нэгэн бас л мөнгөө ирж авалгүй өнгөрсөн байна.