Наадам болоход 21 хоног үлдээд байна. Үндэсний баяр наадмын үйл ажиллагааг сурвалжлах сэтгүүлчдийг өнгөрсөн баасан гаригаас бүртгэж эхэлжээ. Энэ жил наадам сурвалжлах сэтгүүлчдийг хэрхэн зохион байгуулах талаар нийслэлийн ЗДТГ-ын дарга Ц.Болдсайхан ийн ярьжээ.
-Сэтгүүлчдийг бүртгэх ажил дөнгөж эхэлж байгаа учраас хэчнээн сэтгүүлчид мандат олгох тоог хараахан хэлэх боломжгүй. Энэ тоо ирэх сарын 5-ны үеэр тодорхой болох байх. Үндэсний их баяр наадмыг зохион байгуулах хороо сэтгүүлчдийн мандатын үнийг өнгөрсөн жилийнхээр нь баталсан. Дотоодын хэвлэл мэдээллийн байгууллагын сэтгүүлч 15000 төгрөг, гадаадын сэтгүүлч, сурвалжлагч 100 ам.доллараар наадам сурвалжлах мандатаа авна. Наадам сурвалжлах сэтгүүлчдийн зохион байгуулалтад ямар нэг өөрчлөлт орохгүй. Тусгай суудал гаргаж засах талаар ярьж байсан. Гэхдээ тухайн үед телевизийн сэтгүүлчид дэмжээгүй. Суудал гаргаж өгөхөөр сурвалжлага хийж, ярилцлага авахад хүндрэлтэй гэсэн учраас больсон шүү дээ.