Колумба улсын Нариньо мужид өнгөрөгч 2014 оны эхээр гэнэт газарт ан цав гарч эхэлсэн нь өдгөө уртассаар бараг нэг км газар үргэлжилжээ. Хэвлэлүүдийн мэдээлж байгагаар нэг км хэртэй болж уртассаар байгаа энэ ан цав зарим газраа нэг метр хэртэй өргөн гэнэ.
Энэ ан цав Апонте тосгоноор дайрсан нь бүр гамшиг болж зам хагаран, олон арван байшинд ан цав гаран энэ нь нэмэгдсээр айлууд орон байраа орхиход хүрч байгаа юм байна.

Эртний ингачуудын удам энэ тосгоныхон Газар эх ийм байдлаар удахгүй болох гай гамшгийг урьдчилан анхааруулж, бидний хүнлэг бус байдлыг гэсгээх гэж байгаа нь энэ гэж тайлбарлаж байгаа гэнэ.
Ийм байдлаар тэд энэ нутагт 2013 онд болсон хүчтэй газар хөдлөл шиг гамшиг тохиох гэж байна гэж итгэж байгаа юм байна.

Үйл явдлын газарт тус улсын инженерийн батальон, судлаачид ажиллаж асудлыг шийдвэрлэх, хохирлыг арилгахын зэрэгцээ судалгаа шинжилгээний ажил хийж байгаа гэнэ.