Парагвай улсын шинэ Ерөнхийлөгчийг шүүхэд татсан тухай олон нийт тэр бүр мэдээгүй байхад хэвлэл мэдээллээр аль хэдийнэ шуугьж эхлэлээ.
Парагвай улсын хувьд, Өмнөд Америкийн жижигхэн улс бөгөөд хөрш томоохон улс орнуудад халхлагдаад хүмүүс тэр болгон анзаардаггүй гэж хэлэхэд хилсдэхгүй. Харин тус улсад тулгараад байгаа бүс нутгийн хямралын асуудалтай холбоотойгоор тус улсын Ерөнхийлөгч Фернандо Люго шүүхэд дуудагдсан билээ.
Уг хэргийг Парагвай улсын Үндсэн хуулийн дагуу шийдвэрлэнэ гэж холбогдох байгууллагаас мэдээлж байгаа юм. Шинэ Ерөнхийлөгчийг ард иргэд нь хүлээн зөвшөөрөхгүй байгаад хамгийн гол асуудал байна гэж Латин Америкийн улс орнуудын тэргүүн үзэж байгаа аж.
Ерөнхийлөгчийн суудалд суугаад 48 цаг ч болоогүй нэр төр нь хэдийнэ унаж эхэлжээ. Тэрээр 2013 оны наймдугаар сард албан ёсоор суудлаасаа буух ёстой ч одоог хүртэл огцрохоос өөр аргагүйд хүрнэ гэж зүүдлээ ч үгүй байх.
“Парагвай улсыг энэ асуудлыг энх тайвнаар, ардчиллын ёс журмын дагуу шийдвэрлэхийг сануулж байна” гэж АНУ-ын Засгийн газрын төлөөлөгч Дарла Жордан хэлж байр сууриа илэрхийллээ.