Монголын жиү-жицү бөхийн тамирчид АНУ-д сургалтад хамрагдаж мөн хажуугаар нь энэ сарын 16 нд “Nor Cal Open” тэмцээнд хүч үзжээ. Тус тэмцээнд эрэгтэйчүүдийн 70 кг-д хүч үзсэн “Хүч” спорт хорооны тамирчин Б.Дамланпүрэв алт, эмэгтэйчүүдийн 64 кг-д Б.Буяндэлгэр алт, эрэгтэйчүүдийн 88 кг-д зодоглосон О.Болд-Эрдэнэ мөнгө, үнэмлэхүй жинд О.Болд-Эрдэнэ алт, Б.Дамланпүрэв мөнгөн медалийн болзол хангасан бол 23 нд болсон тэмцээнээс 64 кг-д Б.Буяндэлгэр алт, өмсгөлгүй төрөлд өрсөлдөж мөнгө, эрэгтэйчүүдийн 88 кг-д зодоглосон ОУХМ О.Болд-Эрдэнэ хүрэл медаль хүртжээ.