Английн Премиер лигийн баг Арсенал Super Eagles хэмээх Нигер улсын багтай ирэх 8 дугаар сарын 5-нд Абужа хотын ногоон талбайд тоглохоор болжээ.
FIFA-аас гаргасан хамгийн сүүлийн үнэлгээгээр 60 дугаарт жагсаж байгаа Нигер өнгөрсөн “улирал”-д английн их “буучдын” тэмцэлд 3 дугаарт эрэмбэлэгдсэн багтай тоглох гэж байна. Арсеналын хувьд энэ нь Баруун Африкийн улстай тоглож буй анхны тохиолдол юм. “Арсенал клуб Абужад ирж Нигерийн “Super Eagles”-тэй тоглох болсоныг дуулгаж байгаадаа таатай байна” хэмээн “Dan Jan Sports”-ийг үүсгэн байгуулагч Дэвид Омиги ярьсан юм.“Dan Jan Sports”- оос Нигерийн Хөл бөмбөгийн Холбоо (NFF) Super Eagles-ийн талд дэмжлэг өгөх зөвшилцөлд хүрсэн болохыг мэдээлж, “NFF дасгалжуулагч Стефен Кешигийн удирдсан Super Eagles-ийн хүчирхэг багийн бэлтгэлийг үзэж сонирхохоо амласан” гэж Омиги ярьжээ.

 Арсеналын менежер 2012-2013 оны хөл бөмбөгийн улиралд оролцох бүрэн бүрэлдэхүүнээрээ тоглох болно хэмээжээ. Тус клуб хамгийн сүүлд 1993 оны аялан тоглолтоорАфрикт очиж байсан тухай мэдээллийг вэб сайтдаа байршуулсан байна.Дөрвөн жилийн өмнө Английн Манчестер Юнайтед, Портсмоут клубууд улирлын өмнөх нөхөрсөг тоглолтыг нигертэй хийж байсан юм. нигерийн шигшээ багийн хувьд дөрвөн удаа ДАШТ-нд оролцож, хамгийн сүүлд буюу 2010 онд Африкт болсон ДАШТ-ний хасагдах шатны тоглолтод хожигдож байсан билээ.