Франц улс бүх иргэддээ зориулан маш хэрэгтэй шинэ хууль баталлаа. Хуулийн дагуу жолооч бүр согтууруулах ундаа хэрэглэсэн эсэхийг шалгадаг тусгай төхөөрөмжийг байнга машиндаа авч явах ёстой юм. Тус шинэ төхөөрөмж нь үнээрээ ялгаатай хоёр төрөл байх юм. Францын Засгийн газраас “Энэ бол согтууруулах ундаа хэрэглэсний улмаас осол болж байгаа үйлдэлтэй тэмцэх нэг арга” хэмээн мэдэгдсэн байна. Тус улсад жил тутам ойролцоогоор 4000 хүн согтууруулах ундаа хэтрүүлэн хэрэглэж, хурд хэтрүүлснээс замын ослоор нас бардаг гэсэн судалгаа гарчээ. Энэ хуулийг хэрэгжүүлснээр дээрхи тоо даруй 500 хүнээр буурна хэмээн үзээд байгаа юм.