Дэлхий даяар хамгийн олон салбартай “Barclays” олон улсын банкны захирал ноён Маркус Агиусыг огцрох магадлалтай байгаа гэж бизнесийн үйл ажиллагаа эрхэлдэг томоохон агентлагууд мэдээлж байсан. Тэрээр өчигдөр албан ёсоор суудлаа тавьж өгч байгаагаа зарлаад, гол шалтгаанаа хүүгийн төвшин зохиомлоор нэмсэн гэсэн асуудлын улмаас нэр хүнд нь асар их унасантай холбоотой гэнэ. Энэ асуудлын улмаас түүнийг Английн Санхүүгийн Аудитын газраас хүүгийн төвшинг тодорхойгүй шалтаанаар худал цацсан хэргээр улирлын орлогынхоо 30 хувьтай тэнцэх хэмжээгээр торгуулсан юм. Банкны зүгээс “Түүний энэ шийдвэрийг бид хүндэтгэх ёстой. Банкны дотоод дүрмийн дагуу энэ долоо хоногоос эхлэн шинэ захирлын суудалд суух хүнийг хайж эхэлнэ” гэв.