Британын нээлттэй тэмцээн Уймбелдоны хагас шигшээ тоглолтууд үргэлжилж байгаа билээ. Сонирхолтой тоглолтуудын үр дүнг хүргэе. Дэлхийн 6 удаагийн аварга Рожер Федерер сүүлийн тоглолтондоо Шавер Малиссег дөрөвдүгээр үед буулган авлаа. Тоглолт 7-6, 6-1, 4-6, 6-3 харьцаагаар өндөрлөжээ. Бороо орж байхад 40 минут үргэлжилсэн тус тоглолтын үеэр Рожер Федерерийн нурууны гэмтэл сэдэрсэн байна. Чансаагаар дэлхийд нэгдүгээрт бичигдэж байгаа Новак Жокович сүүлийн найман оноог дараалан авсанаар өрсөлдөгч Виктор Тройцкийг ялсан байна. Энэ тухайд Жокович “хэвийн л зүйл” хэмээн сэтгүүлчдэд хэлсэн байна. Харин эмэгтэйчүүдээс тэргүүлж явсан Мария Шарапова, Ким Клейстэрс нар тэмцээнийг цааш үргэлжлүүлэх боломжгүй боллоо. Дэлхийн чансааны нэгдүгээрт бичигддэг оросын теннисчин арвантавдугаарт бичигддэг Сабин Лисицкид 6-4, 6-3 харьцаатай хожигджээ. Клейстэрсийн тухайд тэрээр герман теннисчин чансааны 8дугаарт бичигдсэн Анжелик Кербертэй хийсэн тоглолтонд 6-1, 6-1 харьцаатай ялагдал амсчээ. Клейстэр эн жилийн Америкийн нээлттэй тэмцээний дараачаар дахин тоглохгүй гэдгээ мэдэгдсэн.