Дээд сургуулийнхаа тоогоор дэлхийд толгой цохьдог байсан манай улс одоо нүүр бардам зогсч болохоор болсон. Учир нь, 200 гараад байсан их, дээд сургуулийн тоог 94 болгож чадсан билээ. Тэгвэл саяхан  “Глобал удирдагч” коллеж дээд сургуулийн ангилалд дэвшихээр ирүүлсэн хүсэлтийг нь судлан үзээд ажлын хэсэг томилон ажиллуулсны үр дүнд “Сургуулийн ангилалд өөрчлөлт оруулах тухай” БСШУ-ы сайдын 2012 оны  А/329 дугаар тушаалаар тус коллежийг дээд сургуулийн ангилалд хамруулахаар шийдвэрлэсэн байна. Тэгэхээр одоо манай улс 94 биш 95 их, дээд сургуультай болжээ.