Францын хөлбөмбөгийн холбооны удирдлагууд шигшээ багаа удирдаж Европын аваргад тааруухан оролцуулсан Лоран Бланыг үүрэгт ажиллаас нь чөлөөлж түүний оронд Францын шилдэг хөлбөмбөгчдийн нэг байсан дэлхийн аварга Дидье Дешамтай тохиролцсоны үндсэн дээр Францын шигшээ багийн дасгалжуулагчийн албанд томиллоо. Тэрээр тоглогчийн хувиар 1998 онд дэлхийн аварга цолыг хүртэж байсан юм. Д.Дешам 2001 оноос дасгалжуулагчийн ажлаа эхэлсэн ба Монако, Ювентус, Марсель зэрэг багуудыг дасгалжуулж байжээ. Түүний ямар хугацаагаар ажиллах болон цалингийн хэмжээ одоогоор тодорхой биш байна. Д.Дешам нь өдгөө 43 настай харьцангуй залуу мэргэжилтний тоонд орох юм. Дешамын  гол үүрэг нь 2014 оны дэлхийн аваргад амжилт үзүүлэхэд орших нь ойлгомжтой.