Английн Чэлси багт хүчин зүтгэж байсан довтлогч Заанын Ясан Эргийн хөлбөмбөгчин Саломон Калу Францын “Лилль” клубтэй гэрээ байгуулжээ. 26 настай Калу нь Лондоны Чэлси клубтэй зургаан жил "нөхөрлөсөн" ч эцэст нь багаасаа хасагдсан юм. Чэлсид Лиллээс Эдин Хазард, мөн Кэвин де Бройн гэх Бельги залуу ирснээр Калугийн байр суурь ганхсан билээ. Өнгөрсөн улиралд Францын лигт гуравдугаар байрт орсон Лилль харин Саломон Калутай дөрвөн жилийн гэрээ байгуулсан байна.