Ардын хувьсгалын 91 жилийн ой, Их Монгол Улс байгуулагдсаны 806 жилийн ойд зориулсан хүчит бөхийн барилдааны гурвын даваа эхэллээ. Энэ давааны ам авсан байдлыг харвал тун сонирхолтой байна. Улсын алдар цолтнууд бие биенээ амлан авч, улсын цолонд ойрхон яваа аймгийн арслангууд өөр хоорондоо тунах магадлал өндөртэй байна. Одоогийн байдлаар Улсын аварга О.Балжинням, Улсын арслан Д.Мөнх-Эрдэнэ, заан Бумбаяр, Улсын заан Батзориг тэргүүтэй улсын цолтнууд өвдөг шороодлоо.