2012 оны олимпын наадамд түрүүлсэн тамирчинд олгох урамшууллын хэмжээгээр улс гүрнүүд хоорондоо өрсөлдөж байгаа. Тэгвэл буурал Европ тивд нээлтээ хийхээр зэхэж буй Лондонгийн олимпын наадмын аварга тамирчиндаа өгөх мөнгөн урамшуулалаараа Азербайжан улс дэлхийд тэргүүллээ. Тус улсын ерөнхийлөгч И.Алиев Лондонгийн олимпын наадмаас алтан медаль хүртсэн тамирчиндаа 520 мянган ам.долларын шагнал олгохоо амлалаа. Мөн Азербайжан улсын үндэсний олимпын хорооноос алтан медаль хүртсэн тамирчинд 260 мянган ам.долларын шагнал олгохоор шийдвэрлэжээ. Ингэснээр Азербайжан улсын төрийн далбааг Лондонгийн олимпын тэнгэрт мандуулж чадсан тухайн тамирчин нийтдээ 780 мянган ам.долларын шагнал хүртэх нь ээ.