Ардын хувьсгалын 91 жилийн ойн баяр наадмаар хурдан морь унаач 45 хүүхэд уралдааны замд мориноосоо унажээ. Энэ тухай Яаралтай тусламжийн төвийн дэд захирал С.Ариунболдоос тодруулахад, “Ноднингийн наадмаар 18 хүүхэд мориноос унаж хоёр хүүхэд эгэмээ хугалж байсан. Энэ жил түүнтэй харьцуулахад нэлээд олон хүүхэд мориноос уналаа. Таван хүүхэд эгэм шууны яс хугарсан гэмтэлтэй эмнэлэгт хүргэгдсэн бол нэг хүүхэд тархиндаа гэмтэл авсан. Харин бусад нь зөөлөн эд гэмтсэн, бага зэрэг шалбарсан зэрэг хөнгөн гэмтсэн” гэв.