Их Монгол Улс байгуулагдсаны 806, Ардын хувьсгал ялсны 91 жилийн ойн баяр наадмаар цагдаагийн байгууллагаас Монгол Улсын гавьяат тамирчин төрсөн нь Хөдөлгөөнт эргүүлийн газрын эргүүлийн офицер, цагдаагийн ахлах дэслэгч Н.Баярмаа байлаа. ЦЕГ-ын дарга, хошууч генерал Д.Сандаг-Очир өнөөдөр түүнийг хүлээн авч, хүндэтгэл үзүүлэн баяр хүргэв. Цагдаагийн ахлах дэслэгч Н.Баярмаа хүндийн өргөлтийн спортоор тив, дэлхий, олимп, олон улсын тэмцээнд эх орныхоо нэрийг дуурсгаж, улсынхаа рекордыг 108 удаа шинэчлэн тогтоожээ. Түүний энэхүү амжилтыг өндрөөр үнэлж ЦЕГ-ын даргын тушаалаар хугацаанаас  өмнө цагдаагийн ахмад цол шагнаж, дурсгалын зүйл гардуулсан юм.