Сүүлийн үед хөлбөмбөгийн ертөнц мөнгөний эргэлт их болж топ зэрэглэлийн тамирчид болон дунд зэргийг клубуудыг баян эрхэмүүд үнэ цохин худалдаж аваад түүндээ аль дэлхийн сор болсон тоглогчдыг мөнгөөр зодож тоглуулах болсон юм. Үүний тод жишээ бол Орос тэр бумтан Роман Абромовичын Челси, баян араб эзэнтэй Манчестэр Сити клубыг нэрлэж болно. Энэ хоёр одоо хоёулаа амжилттай явж байна. Нэг нь лигтээ түрүүлсэн нөгөө нь авч үзээгүй аваргуудын лигийн алтан цомоо өргөсөн. Тэгвэл уг үзэгдэл одоо Англиас хальж Францын дээд лигийн багууд руу орох болсон гэж болно. Үүний эхлэл нь ПСЖ клуб юм. Баян араб эзэнтэй болсон клуб бусдын адил шилдэг тамирчидын араас хөөцөлдөж энэ зуны солилцоо наймааны цонх нээгдсэн цагаас хойш тун идэвхтэй байгаа. Тэд Бразил хамгаалагч Тиага Сильваг худалдаж авсан гэдгээ албан ёсоор зарлалаа. Түүнийг урд нь Милан клубтэйгээ гэрээгээ сунгасан гэсэн мэдээлэл тархаж байсан хэдий ч ийнхүү клубээ солисоноор дэлхийн хамгийн үнэтэй хамгаалагч болж байна. Шинэхэн гэрээгээ 5н жилийн хугацаатай байгуулсан бөгөөд жилийн 7,5 сая евро болон 1,5 саяын бонус цалин хүртэх гэнэ. Мөн ПСЖ клуб Миланаас Сильвагийн хамтаар Златан Ибрахимовичыг хамтаар нийт 69 сая еврогоор авсан гэх сураг байна. Хэрэв энэ үнэн бол тун удахгүй тэд дараагийн супер тоглогчоо танилцуулах биз ээ.